Bloomberg. Գազի գների պատճառով Շվեդիան վերադարձել է մազութի օգտագործմանը Շվեդական Uniper SE էներգետիկ օպերատորը սկսել է կանոնավոր կերպով օգտագործել պահեստային էլեկտրակայանը Կարլշամն քաղաքում, որն աշխատում է մազութով։ Այս մասին հայտնում է Bloomberg-ը ՝ հղում անելով ընկերության ներկայացուցիչ Թորնբյորն Լարսոնին։ Նրա խոսքով, կայանը գործում է առավոտից երեկո շուրջ մեկ շաբաթ։ Այն արտադրում է 200-300 մեգավատտ էլեկտրաէներգիա ՝ առավելագույնը 662 մեգավատ հզորությամբ։ Ընդ որում, կայանը ժամում այրում է մինչև 50-70 տոննա մազութ։ Լարսոնն ընդգծել է, որ աշխատանքը վերսկսելու որոշումն ընդունվել է Եվրոպայում բնական գազի գնի ռեկորդային բարձրացման հետ կապված։ Բացի այդ, Շվեդիայում քամու էներգիայի միջոցով էլեկտրաէներգիայի անբավարար արտադրություն կա։ Ըստ Bloomberg-ի էլեկտրակայանը գտնվում է երկրի հարավում ՝ պահանջելով ավելի մեծ հզորություն, քան նահանգի այլ հատվածներում։ Այն օգտագործվում է միայն արտադրության կասեցման և անսովոր մեծ պահանջարկի դեպքում։