Ինչպե՞ս է կառավարությունը պլանավորում պայքարել օդի աղտոտման դեմ․ մանրամասներ կառավարության նիստից

Մայիսի 22-ին կայացած ՀՀ կառավարության հերթական նիստում ընդունվել են մի շարք կարևոր որոշումներ, որոնք ուղղված են ենթակառուցվածքային զարգացմանը, սոցիալական աջակցության բարելավմանը, կրթության ոլորտի խթանմանը, շրջակա միջավայրի պահպանությանը և պետական կառավարման արդյունավետության բարձրացմանը։

Ստորև ներկայացնում ենք նիստի կարևորագույն արդյունքներն ըստ ոլորտների։

Համայնքների ենթակառուցվածքային ծրագրերի համաֆինանսավորում

713,9 մլն դրամ կտրամադրվի մարզպետարանների աշխատակազմերին՝ 2025-ի բյուջեից՝ սուբվենցիոն ծրագրերի ֆինանսական պարտավորությունների կատարման համար։ Այս գումարով կապահովվի համայնքներին սուբվենցիաների տրամադրումը, որոնք վերաբերող են հիմնականում ճանապարհների բարեկարգման, ջրամատակարարման, ոռոգման համակարգերի ու լուսավորության զարգացումը։

Համաֆինանսավորվելու է 33 ծրագիր 15 համայնքում, մասնավորապես՝

• Արմավիրի մարզում՝ տանիքների վերանորոգում, ջրամատակարարման ցանցերի բարելավում, ոռոգման համակարգերի զարգացում, դպրոցների և մանկապարտեզների սպասարկում։

• Լոռու մարզում՝ համայնքային ճանապարհների վերանորոգում և հանդիսությունների սրահի կառուցում։

• Տավուշի մարզում՝ ասֆալտապատում, տանիքների վերանորոգում և աղբատար մեքենաների գնում։

Մթնոլորտային օդի որակի մոնիթորինգի համակարգի արդիականացում

ՀՀ կառավարությունը հաստատել է 2025-2030 թթ. մթնոլորտային օդի պահպանության համալիր միջոցառումների ծրագիրը, որը նախատեսում է՝

• Ամբողջ երկրով 14 անշարժ դիտակայանի տեղադրում։

• 2 շարժական դիտակայանի միջոցով ժամանակավոր մոնիթորինգ։

• Քիմիական լաբորատորիաների արդիականացում։

• Աղտոտվածության կանխատեսման և մոդելավորման գործիքակազմի ստեղծում։

Երևանում և մարզերում շինարարական ու հանքարդյունաբերական գործունեության համար կներկայացվեն փոշեճնշիչ սարքերի կիրառման պարտադիր պահանջներ՝ սկսած մինչև 2025թ․ դեկտեմբերի 1-ը։

Բաց դռներ՝ արաբական երկրների քաղաքացիների համար

Բահրեյնի, Սաուդյան Արաբիայի և Օմանի քաղաքացիները կարող են մուտք գործել Հայաստան առանց վիզայի՝ 180 օր ժամկետով՝ մեկ տարվա ընթացքում։

Այս կարգավիճակն ավտոմատ կիրառվում է նաև այլ երկրների քաղաքացիների համար, եթե վերջիններս ունեն վավեր կացության կարգավիճակ ԵՄ, Շենգեն, ԱՄՆ կամ վերոնշյալ արաբական երկրներում։

Այս նախաձեռնությունը նպաստելու է զբոսաշրջության աճին և ներդրումային միջավայրի բարելավմանը։

Ուսանողների առաջադիմության խրախուսում

Կառավարությունը վերանայում է կրթաթոշակային քաղաքականությունը, բարձրացնելով կրթաթոշակների չափը և խրախուսելով ուսանողական առաջադիմությունը՝

• Կիրառումը՝ սկսած 2025/2026 ուստարվանից։

• Թիրախում՝ առաջնահերթ մասնագիտություններով 1-ին կուրս ընդունված ուսանողները։

• Կրթաթոշակները կտրվեն կիսամյակային առաջադիմության հիման վրա, հատկապես՝ մագիստրոսական ծրագրերում։

Զորակոչի կարգավորումների առաջարկներ՝ ճկուն և վերահսկելի համակարգ

Առաջարկվում է զինծառայության նոր մոդել՝

• 1 ամիս ծառայության դիմաց՝ 24 մլն դրամ, 4 ամիս՝ 18 մլն դրամ վճարման պայմանով։

• Առավելագույն տարիքը՝ 32 տարեկան։

• Բյուջետային մուտքերն ուղղվելու են պայմանագրային ծառայության համակարգի ընդլայնմանը։

Փոխվարչապետի խոսքով՝ համակարգը դառնալու է վերահսկելի և կանխարգելիչ, վերացնելու է չարաշահումների հնարավորությունը։

Տաթևի Սվարանց գյուղում ԼՂ-ից տեղահանվածների համար բնակելի ծրագիր

Թուֆենկյան հիմնադրամին կնվիրաբերվի 3.4 հա համայնքային հողատարածք՝ 20 ընտանիքի համար

• Տների և անասնագոմերի կառուցման,

• Կահավորման և արևային տաքացուցիչների տեղադրման,

• Մանկապարտեզի ու բուժկետի վերանորոգման համար։

Այս ծրագիրը համարվում է բարեգործական և ուղղված է սահմանամերձ համայնքների զարգացումներին։

Դրոշմավորման կարգի փոփոխություններ՝ բիզնեսի համար ժամկետային փափկեցում

Առանձին ապրանքների նույնականացման միջոցով դրոշմավորման ժամկետները հետաձգվում են մինչև 2026թ․ հունվարի 1-ը։ Այսպիսով, տնտեսվարողները կստանան լրացուցիչ ժամանակ՝ հարմարվելու նոր համակարգին։

Օրենսդրական նախաձեռնություններ

Կառավարությունը հավանություն է տվել մի շարք նախագծերի, որոնց թվում՝

• Տրանսպորտային միջոցներ վարելու իրավունք չունեցող անձանց կրկնակի խախտումների դեպքում՝ քրեական պատասխանատվություն։

• Շինդանակի նմանվող առարկաների վաճառքի արգելք մինչև 18 տարեկան անձանց։

• Ոստիկանության կողմից՝ շարժական սարքերով խախտումների նկարահանման միջոցով անձանց նույնականացման իրավունք։

• Գույքի գրանցման՝ էլեկտրոնային համակարգի առաջնահերթություն։

Միջազգային համագործակցություն

Հայաստանը միանում է Խոշոր կատվազգիների միջազգային դաշինքին, որը նպատակ ունի՝

• Կենսաբազմազանության պահպանում,

• Փորձի փոխանակում և հետազոտություններ,

• Գլոբալ բնապահպանական համագործակցություն։

Կառավարությունն աջակցել է նաև Աշխատանքում բռնության և ոտնձգությունների կանխարգելման մասին միջազգային կոնվենցիայի վավերացմանը (ILO թիվ 190)։

Այլ որոշումներ

• Վայքում մանկապարտեզի կարիքների համար անշարժ գույք է նվիրաբերվում համայնքին։

• «Mercedes-Benz GLE 350» մակնիշի մեքենան ամրացվում է Պետական գույքի կառավարման կոմիտեին։

• ՀՀ ներմուծվող կենդանի խոզերի քանակական սահմանափակումը դադարեցվում է՝ մսի շուկայում հավասարակշռության նպատակով։