Իտալիան սառեցրել է ԵՄ պատժամիջոցների տակ հայտված Ռուսաստանի քաղաքացիների ունեցվածքը

Իտալիայի ֆինանսական գվարդիան սառեցրել է Ռուսաստանի քաղաքացիների ունեցվածքը, որոնց նկատմամբ Եվրամիությունը ավելի վաղ պատժամիջոցներ էր սահմանել Ուկրաինայում ստեղծված իրավիճակի պատճառով։ Այս մասին հայտնում է РИА Новости-ն ՝ հղում անելով կառավարության Չիգի պալատի մամուլի ծառայության հայտարարությանը։ Նշվում է, որ գործարար Դմիտրի Պումպյանսկու կնոջ ՝ Գալինա Պումպյանսկայայի ունեցվածքը ներառվել է համապատասխան ցուցակում ՝ 300.000 եվրո արժողությամբ օբյեկտ Լեկկո նահանգում, ինչպես նաև քանդակը, որը պատկանում է Alfa Group-ի համահիմնադիր Ալեքսեյ Կուզմիչևին ՝  230000 եվրո։   Ըստ Իտալիայի ֆինանսական գվարդիայի ՝ խոսքը ոչ թե ձերբակալության, այլ ակտիվների սառեցման մասին է, այսինքն ՝ սեփականատերերը չեն կարողանա օգտագործել ու տնօրինել իրենց ունեցվածքը։ Այս ցուցակի ամենաշքեղ «լոտերից» մեկը 650 միլիոն եվրո արժողությամբ Scheherazade («Շեհերազադե») զբոսանավն էր, որը իտալական լրատվամիջոցները համարում են ամենաթանկն աշխարհում։Ավելի վաղ հայտնի էր դարձել, որ Եվրամիությունը (ԵՄ), Ռուսաստանի դեմ պատժամիջոցների շրջանակներում, սառեցրել է ռուս ձեռնարկատերերի մոտ 10 միլիարդ եվրոյի ակտիվները։