Սուբվենցիոն ծրագրեր. Յոթ մարզի կապիտալ ծախսերի համար հատկացվել է 3,6 մլն դոլարից ավելի Սուբվենցիոն ծրագրի համաձայն պետբյուջեից Տավուշի, Վայոց ձորի, Արմավիրի, Շիրակի, Լոռու, Արարատի, Սյունիքի մարզերին հատկացվել է 1,4 մլրդ դրամ: Միջոցներն ուղղվելու են կապիտալ ծախսերին, մասնավորապես՝ փողոցների, պուրակների, մանկական հրապարակների բարեկարգմանը, մշակույթի տների, մանկապարտեզների շինարարությանն ու նորոգմանը, ջրագծերի անցկացմանն ու նորոգմանը, բնակավայրերի գազիֆիկացմանը։