Նոյեմբերի 21-ի տնտեսական լուրերը
Լուրեր |

Խոզերի ներկրման սահմանափակումներ
Խոզերի ներկրումը Հայաստան առաջիկա վեց ամսվա ընթացքում կսահմանափակվի։ Կառավարության նոր նախագծով նախատեսվում է կիրառել քանակական սահմանափակում ընտանի կենդանիների ներկրման վրա, ըստ որի՝ ՀՀ տարածք կարելի կլինի ներմուծել ոչ ավելի, քան 25 հազար խոզ։ Այս որոշման հիմքում ընկած է այն փաստը, որ ներկրման ծավալները վերջին ամիսներին կտրուկ ավելացել են։ Հունվար-հուլիս ամիսներին ներմուծվել է շուրջ 30 հազար խոզ՝ նախորդ տարվա 19,2 հազարի փոխարեն։ Նման աճը կարող է բացասաբար ազդել հանրապետությունում խոզի արտադրության ծավալների վրա՝ ավելացնելով շուկայի կախվածությունը ներկրումներից և պարենային անվտանգության ռիսկեր ստեղծելով։ Ճանապարհների վերանորոգման պետական աջակցություն ՀՀ տարածքային կառավարման և ենթակառուցվածքների նախարարությանը կտրամադրվի շուրջ 901 մլն դրամ՝ ճանապարհների հիմնանորոգման և վերակառուցման համար։ Նախատեսվում է վերանորոգել 16 կմ ճանապարհ, որոնցից 1,6 կմ միջպետական նշանակություն ունի, 8 կմ՝ հանրապետական, իսկ 6,4 կմ՝ տեղական։ Ծրագրում ներառված է նաև երեք կամրջի և մեկ հենապատի հիմնանորոգում։Մեղվաբուծության զարգացման նոր ծրագիր
Կառավարությունը 2025-ին նախատեսում է 12 մլն դրամ հատկացնել մեղվաբուծության զարգացման փորձնական ծրագրի իրականացման համար։ Այս նախաձեռնությունը կաջակցի մեղվաբուծության խթանմանը, հատկապես սահմանամերձ բնակավայրերում, որտեղ չօգտագործվող բնական կերհանդակները կկարողանան ծառայել որպես այլընտրանքային միջոց։ Ծրագրի շրջանակում նախատեսվում է աջակցություն տրամադրել բնակչությանը՝ ձեռք բերելու 300 մեղվաընտանիք՝ ծախսերի 50%-ի փոխհատուցմամբ։«Անկանխիկ գործառնությունների մասին» օրենքի խախտումներ
Հոկտեմբերին Պետական եկամուտների կոմիտեի իրականացրած հսկողական միջոցառումների արդյունքում 20 հարկ վճարողի մոտ արձանագրվել են «Անկանխիկ գործառնությունների մասին» օրենքի խախտումներ։ Այս խախտումների համար նշանակվել է 8.3 մլն դրամի տուգանք։Անդրսահմանային ջրային ռեսուրսների կառավարման հարցը
Անդրսահմանային ջրային ռեսուրսների կառավարման հարցում Հայաստանի և Ադրբեջանի միջև պաշտոնական համագործակցություն չի իրականացվում։ ՀՀ արտաքին գործերի նախարարությունը նշել է, որ թեմայի շուրջ շփումները եղել են միայն հասարակական կազմակերպությունների մակարդակով։Ճապոնիայի տնտեսական խթանման միջոցառումներ
Ճապոնիան նախատեսում է 141,2 մլրդ դոլար ծախսել աշխատավարձերի բարձրացման և սուբսիդիաների վրա։ Այս միջոցառումները կներառեն նաև սուբսիդիաներ՝ էլեկտրաէներգիայի և գազի ծախսերը մեղմելու համար։ Ծրագրի իրականացման նպատակով իշխանությունները կդիտարկեն ընթացիկ ֆինանսական տարվա լրացուցիչ բյուջեի ընդունումը։Չինաստանից Վրաստան ներմուծված ավտոմեքենաներ
Չինաստանից Վրաստան ներմուծված ավտոմեքենաների արժեքն այս տարի կազմել է 32,6 մլն դոլար։ Տարվա տասը ամիսների ընթացքում ներմուծվել է 2,215 մարդատար ավտոմեքենա։ Ամենաթանկ ներմուծումը գրանցվել է մայիսին, երբ միջին գինը գերազանցել է 26 հազար դոլարը, իսկ ամենաէժանը եղել է սեպտեմբերին՝ 11 հազար դոլար միջին գնով։Tesla-ի շուկայական արժեքի աճը
Tesla-ի բաժնետոմսերի արժեքի կտրուկ աճի արդյունքում ընկերության շուկայական արժեքը գերազանցել է 1 տրիլիոն դոլարը։ Tesla-ն միացել է այնպիսի տեխնոլոգիական հսկաներին, ինչպիսիք են Nvidia-ն, Apple-ը, Microsoft-ը, Alphabet-ը, Amazon-ը և Meta-ն։ Միևնույն ժամանակ Իլոն Մասկի անձնական կարողությունն աճել է 30 մլրդ դոլարով՝ հասնելով 300 մլրդի։ https://youtu.be/Fizh6lQDy7kՀետեվեք մեզ սոց-ցանցերում
Կարդացեք նաեվ
-
Կովկասում ԵՄ հատուկ ներկայացուցիչը «բարձր է գնահատել» ՀՀ-ի և Ադրբեջանի միջև ձեռք բերված վաշինգտոնյան պայմանավորվածությունները
2025/08/31/ 11:15 -
Հայաստանն ու Չինաստանը հաստատում են ռազմավարական գործընկերություն. տեղի է ունեցել Նիկոլ Փաշինյանի և Սի Ծինփինի հանդիպումը
2025/08/31/ 10:47 -
Ինչպես հասկանալ և ընդլայնել ձեր ֆինանսական ուղին. պարզ ուղեցույց փոքր բիզնեսի սեփականատերերի համար
2025/08/31/ 09:00 -
Օգոստոսի 30-ի կարևոր լուրերը
2025/08/30/ 19:01 -
Ինչպես կարող են նոր սկսնակ բիզնեսները դուրս գալ միջազգային շուկա
2025/08/30/ 17:00 -
Ինչպես հաղթահարել ձանձրույթը աշխատանքի հանդեպ
2025/08/30/ 10:30 -
Տեխնոլոգիական ոլորտի կորուստները ազդում են ամերիկյան շուկայի վրա
2025/08/29/ 22:30 -
Լույս է տեսել Իլոն Մասկի կյանքի մասին վավերագրական ֆիլմը
2025/08/29/ 22:15 -
Օգոստոսի 29-ի բիզնես լուրերը
2025/08/29/ 22:00 -
ԱՄՆ-ում ապրանքային առևտրի դեֆիցիտը հուլիսին աճել է ավելի քան 22%-ով
2025/08/29/ 21:16
Բաժանորդագրվել

Փոխարժեք
Տեսանյութեր

ԿԱՐԵՎՈՐ ԼՈՒՐԵՐ․ ՕԳՈՍՏՈՍԻ 29, 2025Թ․

ՓՈՂ NEWS. ՕԳՈՍՏՈՍԻ 28, 2025Թ.

Պլաստիկից մաքրվել է Սևանա լճի 2 կմ երկարությամբ տարածք

1 ԱՅՑ՝ 30․000+ ԲՆԱԿԱՐԱՆԻ ԸՆՏՐՈՒԹՅՈՒՆ, ԱՐԻ՛ TOON EXPO

ՆԵՐՄՈՒԾՈՂԻՑ՝ ԽՈՇՈՐ ԱՐՏԱԴՐՈՂ. «ԷԼԵԿՏՐԻԿԱ ԳՌՈՒՊ»
