Ներդրումային ոլորտը սեպտեմբերի 20-ին

Համաշխարհային ինդեքսներ Ամերիկյան ցուցիչները հինգշաբթի օրը փակվել են աճով. Dow Jones Industrial Average-ը բարձրացել է 1.26%-ով՝ հասնելով 42,025.19 կետի: S&P 500-ի արժեքը աճել է 1.67%-ով՝ հասնելով 5,712.32 կետի: S&P 500-ի ֆյուչերսը ուրբաթ օրը կորցրել է 0.15%-ով: Ճապոնական Nikkei 225-ը նվազել է 0.03%-ով՝ հասնելով 37,724 կետի: Կորեական KOSPI-ն բարձրացել է 0.49%-ով՝ հասնելով 2,593.54 կետի, իսկ չինական Shanghai Composite-ը կրճատվել է 0.29%-ով՝ հասնելով 2,727.73 կետի։ Մակրոէկոնոմիկա 1․ ԱՄՆ-ում նավթի պաշարները, ըստ Էներգետիկ տեղեկատվության վարչության (EIA) տվյալների, շաբաթվա ընթացքում նվազել են 1.63 միլիոն բարելով: Շուկան սպասում էր 0.2 միլիոն բարելի կրճատում: 2․ ԱՄՆ-ում գործազրկության նպաստի առաջին հայտերի քանակը շաբաթվա ընթացքում նվազել է 11 հազարով՝ հասնելով 219 հազարի: Սպասվում էր, որ ցուցանիշը կմնա նախորդ շաբաթվա մակարդակում՝ 230 հազար: 3․ Անգլիայի բանկը տոկոսադրույքը թողել է անփոփոխ՝ 5% տարեկան մակարդակում: 4․ ԱՄՆ-ի երկրորդային անշարժ գույքի շուկայում օգոստոսին վաճառքները կազմել են 3.86 միլիոն (+2.5% ամսական հաշվարկով), մինչդեռ վերլուծաբանները կանխատեսում էին 3.92 միլիոն: Ապրանքային շուկաներ Ոսկու գինը շարունակում է բարձրանալ և ներկայումս կազմում է $2,597.9 մեկ ունցիայի համար: Նավթի գնանշումները հինգշաբթի օրը բարձրացել են: Brent նավթի գինը կազմում է $74.8 մեկ բարելի համար, իսկ WTI-ն՝ մոտ $71.9: Կորպորատիվ իրադարձություններ/ միջոցառումներ 1․ TotalEnergies-ը երկարաձգել է հեղուկ բնական գազի (LNG) մատակարարման պայմանագիրը China National Offshore Oil Corporation-ի հետ մինչև 2034 թվականը: Մատակարարումները կուղղվեն անմիջապես Չինաստան: 2․ Մամուլի տվյալներով՝ 2024 թվականի օգոստոսի վերջի դրությամբ Xiaomi-ն զբաղեցրել է երկրորդ տեղը համաշխարհային սմարթֆոնների վաճառքի ծավալներով: 2024 թվականի առաջին կիսամյակում Xiaomi-ի վաճառքները աճել են 22%-ով։ Cube Invest