Համաշխարհային ինդեքսներ    

Հինգշաբթի օրվա արդունքների համաձայն՝ Dow Jones Industrial Average ինդեսքը աճել է 0,6%-ով հասնելով մինչև 37775,38 միավորի, S&P 500 ինդեքսը նվազել է 0,27%-ով հասնելով մինչև 5011,12 միավորի։ S&P 500-ի ինդեքսի ֆյուչերսները այսօր նվազում են 0,64%-ով։

Ճապոնական Nikkei 225-ը նվազել է 2,53%-ով հասնելով 37090,50 միավորի, կորեական KOSPI-ն նվազում է 1,64%-ով հասնելով մինչև 2591,55 միավորի, չինական Shanghai Composite-ը փոքր-ինչ նվազել է 0,21%-ով հասնելով մինչև 3067,94 միավորի։

Մակրոէկոնոմիկա    

1․ ԱՄՆ-ում երկրորդական բնակարանների առքուվաճառքի գործարքների թիվը մարտ ամսվա արդյունքների համաձայն նվազել է 4,3% Ա/Ա և կազմել  4,19 մլն՝ ակնկալվող 4,20 մլն-ի փոխարեն։

2․ Ֆիլադելֆիայի FED-ի արտադրական ակտիվության ինդեքսը 2024 թվականի ապրիլին կազմել է 15,5 միավոր՝ ակնկալվող 1,5 միավորի փոխարեն։ Անցյալ ամիս ցուցանիշը կազմել էր 3,4 միավոր։

3․ԱՄՆ-ում գործազրկության նպաստի նախնական հայցերի թիվը շաբաթվա ընթացքում չի փոխվել և կազմել է 212 հազար, ինչը կանխատեսվածից լավ է։ Շուկան ակնկալում էր աննշան աճ՝ մինչև 215 հազար։

Հանքարդյունաբերական շուկաներ   

Ոսկին 0,10%-ով աճ է ցուցադրում և մեկ ունիցայի դիմաց վաճառվում $2381-ից բարձր։ Հինգշաբթի օրվա արդյունքների համաձայն նավթային գնանշումները նվազում են։ Brent ապրանքանիշի նավթի գինը մեկ բարելի դիմաց $87-ից ցածր է, WTI-ի գինը մեկ բարելի դիմաց $82,6:

Կորպորատիվ իրադարձություններ/ միջոցառումներ

1․ Հիշողության չիպեր արտադրող ամերիկյան Micron Technology Inc.-ը $6,1 մլն-ի պետական սուբսիդիաներ կստանա Նյու Յորքում և Այդահոյում արտադրական օբյեկտներ կառուցելու համար։ Միջոցները կհատկացվեն Chips and Science Act.-ի օրենքների շրջանակում, որը նախատեսում է $52 մլրդ-ի ներդնումներ կատարել երկրի ներսում կիսահաղորդչային բաղադրիչների արտադրության զարգացման համար։

2․ Նեթֆլիքսը հրապարակել է սպասվածից ավելի լավ հաշվետվություն։ Եկամուտը կազմել է $9,4 մլրդ, սպասվող $9,3 մլրդ-ի փոխարեն։