Ղազախստանի Ալմաթի քաղաքում կայացած ԱՊՀ մասնակից պետությունների ֆիզիկական կուլտուրայի և սպորտի խորհրդի նիստում որոշում է ընդունվել 2029 թվականի ԱՊՀ մարզական խաղերն անցկացնել Հայաստանում:
Որոշմամբ՝ Երևանին կշնորհվի «ԱՊՀ սպորտային մայրաքաղաք–2029» կարգավիճակը:
Մանրամասները. Նիստին, որին մասնակցել են ԱՊՀ 9 պետությունների ներկայացուցիչներ, Հայաստանը ներկայացրել է ԿԳՄՍՆ սպորտի քաղաքականության վարչության բաժնի պետ Արթուր Սեդրակյանը:
Մարզական խաղերի շրջանակում Հայաստանում կանցկացվի նաև ԱՊՀ մասնակից պետությունների ֆիզիկական կուլտուրայի և սպորտի խորհրդի հերթական նիստը։
Նախապատմությունը. Սա առաջին դեպքը չէ, երբ հայկական քաղաքն արժանանում է նման կարգավիճակի:
2024 թվականին Գյումրին հռչակվել էր ԱՊՀ սպորտի մայրաքաղաք և հյուրընկալել ոլորտային խորհրդի համաժողովը:
ԱՊՀ մարզական խաղերի նպատակն է ամրապնդել մարզական կապերը մասնակից պետությունների միջև, նպաստել ֆիզիկական կուլտուրայի զարգացմանն ու տարբեր մարզաձևերի հանրահռչակմանը:
