2026-ը կլինի արհեստական բանականության իրական հետևանքների բացահայտման տարին

Այսօր ԱԲ-ից կախված ընկերությունները կազմում են S&P 500-ի շուկայական արժեքի մոտ կեսը:

Արհեստական բանականության շուրջ ստեղծված հիացմունքը կամաց-կամաց փոխարինվում է հարցով՝ արդյո՞ք այն կարող է իրական տնտեսական արդյունք ապահովել։ Թեև ChatGPT-ն ու դրա նոր սերնդի գործիքները օգտագործում է շուրջ 800 միլիոն մարդ, ոլորտի տարեկան եկամուտները մնում են համեստ՝ մոտ 50 միլիարդ դոլար, այն դեպքում, երբ 2025-ին միայն ամերիկյան ընկերությունները ներդրել են ավելի քան 400 միլիարդ, իսկ տասնամյակի ներդրումները կարող են հասնել 7 տրիլիոնի։ Բիզնեսի ներսում ԱԲ-ի կիրառումը դեռ զգալիորեն սահմանափակ է․ ԱՄՆ-ի խոշոր ձեռնարկությունների ընդամենը 10 տոկոսն է այն ներառել արտադրական գործընթացներում։

Այս առումով 2026-ը վճռորոշ կլինի, թե արդյո՞ք ԱԲ-ը կսկսի իրական արդյունք տալ՝ արդարացնելով հսկայական ֆինանսական սպասումները։ Այսօր ԱԲ-ից կախված ընկերությունները կազմում են S&P 500-ի շուկայական արժեքի մոտ կեսը, և դրանց բաժնետոմսերը գնահատվում են շուկայի միջինից շատ ավելի բարձր մակարդակով։ Պարզ է, որ ԱԲ-ի բումի թուլացումը կարող է արագորեն վերածվել տրիլիոնավոր դոլարների կորուստների։