Կլիմայական անոմալիաներն ու շոգ եղանակը ծանր հարված են հասցրել Ֆրանսիայի տնտեսությանը՝ առաջացնելով զգալի վնասներ գյուղատնտեսության, առողջապահության և պետական բյուջեի համար։
Թվերով․
16 մլրդ եվրո․ Շոգ ամառվա պատճառած ընդհանուր վնասը՝ ըստ խորհրդարանական հանձնաժողովի (պատգամավոր Էրիկ Կոկրել):
8.7 մլրդ եվրո․ Գյուղատնտեսների զուտ վնասը (ոլորտի ընդհանուր կորուստները կազմել են շուրջ 10 մլրդ եվրո):
~3 մլրդ եվրո (-0.1% ՀՆԱ)․ Տնտեսական աճի կորուստը՝ ըստ Ֆրանսիայի ֆինանսների նախարարության։
2.5 մլրդ եվրո․ Չնախատեսված պետական ծախսեր (1.3 մլրդ՝ գյուղատնտեսներին, 700 մլն՝ առողջապահությանը, 300 մլն՝ հրդեհամարմանը)։
Ազդեցությունը տնային տնտեսությունների վրա․
Ապահովագրություն․ Առնվազն 500 մլն եվրոյի հատուցումներ՝ հրդեհների հետևանքով։
Էլեկտրաէներգիա․ Մինչև 800 մլն եվրոյի լրացուցիչ ծախսեր՝ օդորակիչների և օդափոխիչների ակտիվ կիրառման պատճառով։
Մյուս կողմից․ Հանձնաժողովի նախնական գնահատականը գերազանցում է Էկոլոգիական անցման նախարար Մոնիկ Բարբյուի կանխատեսած 10-15 մլրդ եվրոն։ Հաշվարկներում առկա են մեթոդաբանական վերապահումներ, քանի որ տարբեր ծախսերի գումարման ընթացքում հնարավոր է որոշակի կրկնահաշվարկ։
