2026թ. կարող ենք մետրոյի «Աջափնյակ» կայարանի կառուցումը սկսել. քաղաքապետ

Մետրոյի կայարանի կառուցումից հետո ուղևորահաոսքի աճը կլինի մոտ 25%:

«Բոլոր փորձաքննություններն անցած մետրոյի «Աջափնյակ» կայարանի նախագիծն ունենք։ Այն բաժանել ենք 3 փուլի. լինելու է «Բարեկամություն» մետրոյից մինչև կիրճ թունելային հատվածի կառուցումը, կամրջի կառուցումը և կամրջից թունել դեպի կայարան ու բուն կայարանի կառուցումը»,- կառավարության նիստում հայտարարել է Երևանի քաղաքապետ Տիգրան Ավինյանը՝ նշելով 3 լոտով հայտարարվելու է մրցույթ, որի մասին կտեղեկացնեն բոլոր խոշոր ընկերություններին։

Նա ընդգծել է, որ 2026թ. կարող են սկսել «Աջափնյակ» կայարանի շինաշխատանքները. «Մետրոյի կայարանի կառուցումից հետո ուղևորահաոսքի աճը կլինի մոտ 25%»։