2025 թվականին Թուրքիայում գնաճը կկազմի 9,9 տոկոս

Թուրքիայում գնաճի մակարդակը 2025-ի վերջին սպասվում է 9,9%-ի՝ ընթացիկ տարվա վերջի 65%-ի համեմատ, հետեւում է երկրի տնտեսական զարգացման միջնաժամկետ ծրագրից, որը հրապարակել է Թուրքիայի կառավարությունը: Փաստաթղթում նշվում է, որ հաջորդ տարի Թուրքիայում գնաճը նախատեսված է 24,9%, իսկ մեկ տարի անց՝ 13,8%: Ընթացիկ տարվա հուլիսի արդյունքներով Թուրքիայում գնաճը, ըստ երկրի Ազգային վիճակագրական ինստիտուտի, կազմել է 79,6% եւ դարձել վերջին տարիներին ռեկորդային բարձր ցուցանիշ։ Գործազրկությունը երկրում այս տարեվերջին սպասվում է 10,8%, հաջորդ տարի՝ 10,4%, մեկ տարի անց՝ 9,9%, իսկ 2025 թվականին՝ 9,6%։