2018-ից ի վեր մաքսատուրքից ազատման արտոնություն է ստացել 310 ընկերություն․ Փաշինյան

Ժամանակ առ ժամանակ փորձ է արվում տպավորություն ստեղծել, թե Կառավարությունն արտոնյալների ինչ-որ նեղ շրջանակի պարբերաբար ազատում է մաքսատուրքից։

Հայաստանի կառավարությունը 2018 թվականի մայիսի 8-ից մինչ օրս մաքսատուրքից ազատման 438 արտոնություն է տրամադրել 310 ընկերությունների։ Այդ մասին իր ֆեյսբուքյան էջում գրել է ՀՀ վարչապետ Նիկոլ Փաշինյանը։

Վարչապետը նշել է, որ երբեմն փորձ է արվում ստեղծել տպավորություն, թե կառավարությունը մաքսատուրքից ազատում է արտոնյալների նեղ շրջանակի, մինչդեռ իրականում գործընթացը գործում է բոլորի համար հավասար պայմաններով։

«Ժամանակ առ ժամանակ փորձ է արվում տպավորություն ստեղծել, թե Կառավարությունն արտոնյալների ինչ-որ նեղ շրջանակի պարբերաբար ազատում է մաքսատուրքից։ Մինչդեռ դա տնտեսական աջակցության, ըստ էության, ինքնաշխատ համակարգ է, որը նույն պայմաններով գործում է բոլոր ընկերությունների համար։ 2018թ. մայիսի 8-ից առ այսօր մաքսատուրքից ազատման 438 արտոնություն է տրվել 310 ընկերությունների», – գրել է Փաշինյանը։