Կոնվերս Բանկը հաջողությամբ ավարտել է պարտատոմսերի հերթական տեղաբաշխումը Կոնվերս Բանկը հայտարարում է դրամային պարտատոմսերի տեղաբաշխման վաղաժամկետ ավարտի մասին: 26.05.2025- 17.06.2025թթ ընկած կարճ ժամանակահատվածում Բանկը հաջողությամբ տեղաբաշխել է 3 մլրդ ՀՀ դրամ ընդհանուր ծավալով պարտատոմսեր: Գործարքների գրեթե 90%-ը իրականացվել է Converse Mobile հավելվածով: Ֆիզիկական անձանց մասնաբաժինը ներդրողների ընդհանուր թվում 98% է: «Կապիտալի շուկայի զարգացմանը նպաստելը Բանկի առաջնահերթություններից է: Պարտատոմսերի թողարկումների արդյունքում, երկարաժամկետ հեռանկարում, էապես աճելու են ֆինանսական միջոցների ներգրավման Բանկի հնարավորությունները: Միաժամանակ, ընդլայնելու է հայաստանյան կապիտալի շուկայի գործիքակազմը: Ինչպես սեփական, այնպես էլ այլ ընկերությունների թողարկումները կազմակերպելիս մեծ ուշադրություն ենք դարձնելու հատկապես դրամային գործիքներին»,- ասել է Կոնվերս Բանկի ներդրումային բիզնեսի տնօրեն Գրիգորի Զաքարյանը: Պարտատոմսերը ցուցակման կներկայացվեն Հայաստանի ֆոնդային բորսա՝ երկրորդային շուկայում շրջանառելու նպատակով: Բանկը վերահսկվում է ՀՀ ԿԲ կողմից:   *գովազդ   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: