Կոնվերս Բանկի հաջողության պատմությունը` Ֆիլիպ Կոտլերի «Ժամանակակից մարքեթինգի հիմունքներ» գրքում «Kotler Impact»-ի ներկայացուցիչ «AWE Consulting»-ն ու Կոնվերս Բանկը ստորագրեցին համագործակցության հուշագիր: Ստորագրված հուշագրի շրջանակում նախատեսվում է Կոնվերս Բանկի հաջողության պատմությունն ընդգրկել պրոֆեսոր Ֆիլիպ Կոտլերի հեղինակած «Ժամանակակից մարքեթինգի հիմունքներ. Հայաստանի հրատարակություն» գրքում։ «Ներկայացվելու են Բանկի վերջին երեք տարիներին անցած ճանապարհը և թվային փոխակերպման արդյունքները։ Կոնվերս Բանկը ստեղծել է C360 թվային հարթակը՝ մեր մոբայլ հավելվածի ներքո։ Ուրախ կլինենք գրքի ապագա ընթերցողների հետ կիսվել մեր թիմի անցած մեծ ճանապարհներով»,- նշել է Կոնվերս բանկի մարքեթինգի բաժնի և մոբայլ բանկինգի կրոսֆունկցիոնալ թիմի ղեկավար Սերգեյ Ուսնունցը: «Ժամանակակից մարքեթինգի հիմունքները»-ը պրոֆեսոր Ֆիլիպ Կոտլերի և «Kotler Impact»-ի վերջին համաշխարհային նախաձեռնությունն է, որն ընթանում է աշխարհի 50-ից ավելի երկրներում, այդ թվում՝ Հայաստանում: Յուրաքանչյուր երկրի հրատարակությունում տեղ են գտնելու տվյալ երկրում գործունեություն ծավալող լավագույն ընկերությունների հաջողության պատմությունները և նրանց իրականացրած մարքեթինգային ռազմավարությունները: «Ժամանակակից մարքեթինգի հիմունքներ. Հայաստանի հրատարակություն» գիրքը լույս կտեսնի 2025 թվականին՝ հայերենով և անգլերենով: Միջոցառման ավարտին ամփոփվել են նաև Կոնվերս Բանկի ինստագրամյան էջում հայտարարված մրցույթի արդյունքները: Գիրք նվիրելու տոնին նվիրված մրցույթի շրջանակում անհրաժեշտ էր ընդամենը կիսվել տպավորիչ մարկետինգային քեյսերով: Պատահականության սկզբունքով ընտրված` խաղարկության 5 մասնակցի Amazon-ի նվեր քարտ է շնորհվել: Մյուս մասնակիցները ստացել են խրախուսական նվերներ: https://youtu.be/WKGVkUwYQ8k   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: