Ներդրումային ոլորտը սեպտեմբերի 19-ին

Համաշխարհային ինդեքսներ Ամերիկյան ցուցիչները չորեքշաբթի օրը փակվել են կարմիր գոտում. Dow Jones Industrial Average-ը նվազել է 0.25%-ով՝ հասնելով 41,503.10 կետի: S&P 500-ի արժեքը կրճատվել է 0.23%-ով՝ հասնելով 5,621.86 կետի: S&P 500-ի ֆյուչերսը հինգշաբթի օրը աճել է 0.98%-ով: Ճապոնական Nikkei 225-ը բարձրացել է 1.22%-ով՝ հասնելով 37,124 կետի: Կորեական KOSPI-ն աճել է 0.10%-ով՝ հասնելով 2,577.88 կետի, իսկ չինական Shanghai Composite-ը ավելացել է 0.67%-ով՝ հասնելով 2,735.36 կետի: Մակրոէկոնոմիկա 1․ ԱՄՆ Դաշնային պահուստային համակարգը (ՖՌՍ) իջեցրել է տոկոսադրույքը 50 բազիսային կետով՝ հասցնելով 4.75-5.0% տարեկան։ ՖՌՍ-ը կանխատեսում է, որ մինչև 2024 թվականի վերջ տոկոսադրույքը կնվազի ևս 50 բազիսային կետով: 2․ Հնդկաստանի առևտրի և արդյունաբերության նախարարության տվյալներով՝ 2024 թվականի օգոստոսին երկիրը ներմուծել է $10.1 միլիարդի ոսկի, ինչը երկու անգամ ավելի է, քան 2023 թվականի օգոստոսին։ Ընդհանուր առմամբ, 2024-ի առաջին 8 ամիսների ընթացքում Հնդկաստանը ներմուծել է $32.3 միլիարդի ոսկի (+30% տարեկան): 3․ Եվրագոտու ինֆլյացիան, վերջնական գնահատականներով, կազմել է 2.2% տարեկան հաշվարկով: Ապրանքային շուկաներ Ոսկու գինը շարունակում է բարձրանալ և ներկայումս կազմում է $2,577.7 մեկ ունցիայի համար։ Նավթի գնանշումները չորեքշաբթի օրը բարձրացել են. Brent նավթը գտնվում է $74.0 մեկ բարելի համար, իսկ WTI-ն՝ $71.1: Կորպորատիվ իրադարձություններ/ միջոցառումներ 1․ Աշխարհի խոշորագույն ոսկու հանքարդյունաբերող ընկերությունը՝ Newmont Corp.-ը, հայտնել է, որ մտադիր է ստանալ մոտ $2 միլիարդ փոքր հանքերի և նախագծերի վաճառքից։ Newmont-ը համաձայնել է այս ամսվա սկզբին վաճառել երկու ավստրալիական ակտիվ Greatland Gold Plc-ին $475 միլիոնով: Այժմ ընկերությունը նպատակ ունի ավարտել Գանայի, ԱՄՆ-ի և Կանադայի հանքերի և նախագծերի վաճառքը մինչև 2025 թվականի առաջին եռամսյակի վերջ: 2․ Լրատվամիջոցների համաձայն՝ ԱՄՆ-ում օտարերկրյա ներդրումների կոմիտեն 90 օրով երկարացրել է US Steel-ի գնման գործարքի ստուգումը ազգային անվտանգության սպառնալիքների առնչությամբ: Գնորդը՝ ճապոնական Nippon Steel-ը, սպասում է որոշման, որը կընդունվի 2024 թվականի նոյեմբերյան նախագահական ընտրություններից հետո։ Cube Invest