Անցնող շաբաթվա այլ կարևոր իրադարձությունները ֆինանսական շուկաների համար. Finarm ԱՄՆ-ում սպառողական գների ինդեքսը տարեկան կտրվածքով 3.4% աճ է գրանցել ապրիլին՝ 0.1%-ով նվազելով նախորդ ամսվա համապատասխան ցուցանիշից։ Dow Jones ինդեքսն այս շաբաթ հասել է ռեկորդային 40,000 միավորի, ինչը պայմանավորված է Դաշնային պահուստային համակարգի կողմից մեղմ դրամավարկային քաղաքականության անցնելու սպասումներով։ Ռուսաստանի ՀՆԱ-ն այս տարվա առաջին եռամսյակում տարեկան կտրվածքով աճել է 5.4%-ով. ՌԴ Կենտրոնական բանկը առաջին եռամսյակի համար նախապես կանխատեսում էր 4.6% տնտեսական աճ։ Նիգերիայում ապրիլին գնաճը տարեկան կտրվածքով կազմել է 33.69%՝ գրանցելով վերջին 28 տարիների առավելագույն ցուցանիշը։ Երկրում բարձր գնաճը պայմանավորված է իշխանության կողմից բենզինի և էլեկտրաէներգիայի սուբսիդավորման ծավալների կրճատմամբ և տեղական արժույթի կրկնակի արժեզրկմամբ։ Կանադայում ապրիլին գործազրկության մակարդակը կազմել է 6.1%, նոր աշխատատեղերի թիվը՝ 90,400։ Reuters-ի հարցումների արդյունքներով գործազրկության կանխատեսվող մակարդակը 6.2% էր։ finarm.am