2022 թ. 9 ամսում պետական բյուջեի հարկային եկամուտները կազմել են 1 տրիլիոն 412 մլրդ դրամ

Այս տարվա 9 ամսվա ընթացքում պետական բյուջեի հարկային եկամուտները կազմել են 1 տրիլիոն 412 մլրդ դրամ. հարկային եկամուտները գերակատարվել են ավելի քան 77 մլրդ դրամով։ Արձանագրվել է հարկային եկամուտների հավաքման պատմական ռեկորդ: Պետական եկամուտների կոմիտեի նախագահի խոսքով նույն ժամանակահատվածում հարկ վճարողներին վերադարձրել են ռեկորդային չափով գումար՝ 172 մլրդ դրամ, իսկ եկամուտ ապահոված աշխատատեղերի քանակը կազմել է մոտ 663 հազար՝ գերազանցելով նախորդ տարվա ցուցանիշը՝ 6 տոկոսով: Ռուստամ Բադասյանը հայտնել է, որ Ընթացիկ տարում նախատեսվում է ունենալ 11 տոկոս տնտեսական աճ և 8 տոկոս գնաճ, իսկ հարկեր/ՀՆԱ ցուցանիշը բարելավվելու է 0.5 տոկոսով և կազմելու է 23,2 տոկոս։