Անցնող շաբաթվա այլ կարևոր իրադարձությունները ֆինանսական շուկաների համար

Արժույթի միջազգային հիմնադրամը 0.1 տոկոսային կետով բարձրացրել է 2025թ.-ի համաշխարհային տնտեսական աճի կանխատեսվող ցուցանիշը։ ԱՄՀ-ի զեկույցի համաձայն 2025 և 2026 թվականների աճը կկազմի 3.3%, իսկ գլոբալ ընդհանուր գնաճը 2025թ.-ին կկազմի 4.2%, 2026թ.-ին՝ 3.5%։ Ռուսաստանում 2024թ. դեկտեմբերին սպառողական գները տարեկան կտրվածքով աճել են 9.52%-ով, ինչը զգալիորեն գերազանցում է 4% նպատակային ցուցանիշը։ ՌԴ ԿԲ-ի դրամավարկային քաղաքականության դեպարտամենտի ղեկավարն իր ելույթում նշել է, որ 2024թ.-ի տարեկան գնաճը կլինի 9.6-9.8%-ի միջակայքում։ ԱՄՆ-ում գործազրկության նպաստի առաջնային դիմումների թիվը հունվարի 11-ին ավարտվող շաբաթվա ընթացքում աճել է 14,000-ով և կազմել 217,000՝ գերազանցելով նախապես կանխատեսված ցուցանիշը (210,000)։ Չինաստանի տնտեսությունը նախորդ տարվա չորրորդ եռամսյակում տարեկան կտրվածքով աճել է 5.4%-ով՝ զգալիորեն գերազանցելով վերլուծաբանների սպասումները և կառավարությանը հնարավորություն տալով հասնելու տարեկան աճի թիրախային ցուցանիշին: Եռամսյակի աճն ամենաարագն էր 2023թ.-ի երկրորդ եռամսյակից ի վեր: Ֆիննական Noka բրենդը լքել է սմարթֆոնների շուկան։ finarm.am