Ներդրումային ոլորտը հուլիսի 18-ին Համաշխարհային ինդեքսներ Ամերիկյան ինդեքսները չորեքշաբթի փակվեցին տարբեր մակարդակներով: Dow Jones Industrial Average-ը աճեց 0.59%-ով՝ հասնելով 41198.08 կետին: S&P 500-ի արժեքը նվազեց 1.37%-ով՝ հասնելով 5589.56 կետին: S&P 500-ի ֆյուչերսը հինգշաբթի աճում է 0.21%-ով: Ճապոնական Nikkei 225-ը նվազում է 0.08%-ով՝ հասնելով 40242 կետին: Կորեական KOSPI-ն նվազում է 1.09%-ով՝ հասնելով 2810.23 կետին, իսկ չինական Shanghai Composite-ը ավելանում է 0.20%-ով՝ հասնելով 2968.64 կետին: Մակրոէկոնոմիկա 1․ Եվրոպական ստորգետնյա պահեստարաններում (ПХГ) գազի պաշարները մոտեցել են 81.5%-ին, սակայն սա դեռևս ցածր է 2020 թվականի 84%-ի ռեկորդային մակարդակից: 2․ Հունիսին եվրոգոտում սպառողական գները աճել են 2.5%-ով տարեկան արտահայտությամբ: Ամսական արտահայտությամբ աճը համընկավ կանխատեսմանը և կազմեց 0.2%: 3․ ԱՄՆ-ում MBA-ի կողմից 30-ամյա հիփոթեքային վարկերի տոկոսադրույքը մեկ շաբաթում նվազել է 13 բազիսային կետով՝ դառնալով 6.87% տարեկան: Ապրանքային շուկաներ Այսօր ոսկու գինը վերականգնվում է նվազումից հետո՝ առևտուր լինելով մոտ $2465.7 մեկ ունցիայի համար: Նավթի գնանշումները չորեքշաբթի աճել են: Brent նավթի գինը կազմում է $85.5 մեկ բարելի համար, իսկ WTI-ն՝ մոտ $83.5 մեկ բարելի համար: Կորպորատիվ իրադարձություններ/ միջոցառումներ 1․ Johnson & Johnson ընկերության եկամուտը երկրորդ եռամսյակում կազմել է $22.4 մլրդ (+4.3% տարեկան): Զուտ շահույթը նվազել է 9%-ով տարեկան՝ դառնալով $4.7 մլրդ: Մեկ բաժնետոմսի շահույթը կազմել է $1.93: Ազատ դրամական հոսքը կազմել է $7.5 մլրդ: Ֆարմ. ստորաբաժանման եկամուտը երկրորդ եռամսյակում աճել է 5.5%-ով տարեկան՝ դառնալով $14.5 մլրդ: Բժշկական սարքավորումների ստորաբաժանման եկամուտները աճել են 2.2%-ով տարեկան՝ դառնալով $7.96 մլրդ: 2․ Մամուլի տվյալներով, Բայդենի վարչակազմը քննարկում է առևտրային սահմանափակումների կիրառումը Tokyo Electron Ltd. և ASML Holding NV ընկերությունների նկատմամբ, եթե դրանք շարունակեն Չինաստանին տրամադրել առաջադեմ տեխնոլոգիաներ կիսահաղորդիչների արտադրության համար: Այս քայլը սահմանափակելու է չինական բիզնեսը ճապոնական Tokyo Electron և հոլանդական ASML ընկերություններում՝ միկրոսխեմաների սարքավորումների արտադրողների շրջանում: Cube Invest