Մարտունի խոշորացված համայնքի բնակիչները այլևս խմելու ջրի խնդիր չեն ունենա

Մարտունի խոշորացված համայնքի Արծվանիստ, Ծովինար, Վարդենիկ և Զոլաքար գյուղերը վերածվել են շինհրապարակի: Սուբվենցիոն ծրագրերով կառուցվում կամ նորոգվում են ոռոգման և խմելու ջրագծերը: Խորհրդային ժամանակներից ժառանգած ոռոգման համակարգը գրեթե 80 %-ով քայքայված էր, իսկ որոշ բնակավայրերի առանձին թաղամասեր տասնյակ տարիներ զրկված են եղել խմելու ջրից: Զոլաքարի 270 տնտեսություն մինչև տարեվերջ կապահովվի շուրջօրյա ջրամատակարարմամբ: Այստեղ կառուցվում է 8 կմ 200 մ երկարությամբ խմելու ջրագծի ներքին ցանց, որի պայմանագրային արժեքը 119 միլիոն 760 հազար դրամ է: 70 %-ը հատկացրել է Կառավարությունը, 30 %-ը՝ համայնքը: