Համաշխարհային բարձր գնաճը սպասվածից ավելի երկար կտեւի

Արժույթի միջազգային հիմնադրամը 2022 թվականի համար համաշխարհային գնաճի կանխատեսումը հուլիսի 8,3%-ից բարձրացրել է մինչեւ 8,8%: ԱՄՀ-ն ակնկալում է, որ գնաճը կհասնի գագաթնակետին այս տարվա վերջին եւ կմնա բարձր մակարդակում ավելի երկար, քան սպասվում էր նախկինում, իսկ անկումը կազդի համաշխարհային տնտեսության ավելի քան մեկ երրորդի վրա: ԱՄՀ գնահատմամբ` համաշխարհային գնաճը 2021 թվականի 4,7%-ից կարագանա մինչեւ 8,8%` 2022 թվականին, այնուհետեւ 2023-ին կդանդաղի մինչեւ 6,5%, իսկ 2024-ին այն կկազմի 4,1%: Հուլիսին ԱՄՀ-ն 2022 թվականի համար համաշխարհային գնաճը գնահատել էր 8,3%, 2023 թվականի համար` 5,7%: