Goldman Sachs-ը եվրոպական բիզնեսի համար կանխատեսել է վատագույն տարի

Stoxx Europe 600 ինդեքսը, որն ընդգրկում է ազատ շրջանառության մեջ գտնվող եվրոպական բաժնետոմսերի մոտ 90 տոկոսը, մինչեւ տարեվերջ կնվազի 17 տոկոսով եւ կհայտնվի 406 կետի մակարդակում։ Սա կլինի 2008 թվականի համաշխարհային ֆինանսական ճգնաժամի սկզբից ի վեր ամենավատ ցուցանիշը, հայտնում է Bloomberg-ը՝ վկայակոչելով Goldman Sachs-ի եւ Bank of America-ի վերլուծաբանների կանխատեսումները։ Կանխատեսողներն անցյալ ամիս նվազեցրել են թիրախային ցուցանիշները: Նվազմանը նպաստել է մի քանի գործոն։ Առանցքայիններից են Եվրամիությունում աճող գնաճը, նաեւ եվրոպական երկրների կենտրոնական բանկերի դրամավարկային քաղաքականության խստացումը։