Գյուղատնտեսական ապահովագրություն. Գյուղապահովագրողներն ամփոփում են տարին Ամենաշատ գյուղատնտեսական ապահովագրական պայմանագրեր կնքած ընկերությունը արդեն ամփոփել է այս տարվա փոխհատուցումների թվերը: տարին ոչ բարենպաստ էր ծիրանի բերքի համար: Միայն Արմավիրում, Արարատում և Արագածոտնում ծիրանենու ցրտահարության դիմաց ավելի շատ հատուցել են, քան գումար հավաքել: Նույնիսկ ունեն տնտեսվարող, որին ավելի քան 54 միլիոն դրամի փոխհատուցում են տվել: Ցորենի ցանքատարածքներում տարին բարենպաստ է եղել: Ֆերմերների առաջարկով այս տարի ապահովագրական վճարների սահմանաչափերը բարձրացրեցին: Արդեն երեք տարի է, ինչ Հայաստանում իրականացվում է գյուղատնտեսության ապահովագրման փորձնական ծրագիր, և տարեցտարի ապահովագրվող հեկտարներն ավելանում են, ասում է էկոնոմիկայի նախարարության ծրագրերի իրականացման վարչության պետը: 2022-ին կնքվել է 5091 պայմանագիր՝ 6400 հեկտարի համար: Բացի այդ, երեք տարի իրենց բիզնեսը մշտապես ապահովագրողները նախընտրում են բարձր ապահովագրավճարներով ապահովագրությունը, առավել ևս որ պիլոտային փուլում պետությունը ևս սուբսիդավորում է ապահովագրավճարները: