Անկանխիկ գործարքներ. Հետվճարի ծրագրի ընթացքում հոկտեմբերին անկանխիկ գործարք է կատարել մոտ 50 000 կենսաթոշակառու և նպաստառու Կենսաթոշակի և նպաստի 10% հետվճարի ծրագրի ընթացքում հոկտեմբերին անկանխիկ գործարք է կատարել մոտ 50,000 կենսաթոշակառու և նպաստառու, նրանք կատարած գործարքների դիմաց ստացել են ընդհանուր առմամբ մոտ 168 մլն դրամ հետվճար։ Աշխատանքի և սոցիալական հարցերի նախարարությունը հայտնում է, որ ծրագրին միացած քաղաքացիները նախորդ ամսվա ընթացքում իրականացրել են ավելի քան 1,8 մլրդ դրամի անկանխիկ շրջանառություն։ Հիշեցնենք, որ հետվճարը գործում է նաև կոմունալ վճարման դեպքում՝ մեխանիզմը վերաբերում է ոչ միայն քարտը թողարկած բանկոմատների, այլև բանկի էլեկտրոնային հավելվածի միջոցով կատարված կոմունալ վճարումներին։