Դոլարի ներհոսքը, դրամն ու շուկայի ռիսկերը Հայաստան եկողները տեղի մասշտաբով ռեկորդային խոշոր փողեր են բերում երկիր։ Այստեղից դեպի դուրս փոխանցումները հանած՝ բանկային համակարգը ֆիքսել է զուտ ներհոսք՝ 1,4 մլրդ դոլար, ինչը հավասար է երկրի ՀՆԱ մոտ 10 տոկոսին։ Մեծ, աննախադեպ մեծ գումարներ են գալիս։ Հետազոտական խմբի ղեկավար Անի Գալստյանի խոսքով այս կարճ ընթացքում հայկական տնտեսությունը տարբեր շոկեր ապրեց, կոնկրետ այժմ՝ դոլարի 405-406 դրամի իջած կուրսի պայմաններում արտահանողները վնաս են կրում, տեղական արտադրողը կորցնում է մրցունակությունը դրսի շուկաներում, փոխարենը՝ շահում են ներկրողն ու սպառողը, որ ցորեն-ձեթ-բրնձի հետ գնաճային ռիսկերը երկիր չեն մտնում։ Փորձը, սակայն, ցույց է տալիս, շատ բան ժամանակավոր ՝ ճգնաժամի չբախվելու համար պետք է հիմա պատրաստվել այն փուլին, երբ փողի հոսքը կդադարի՝ ասում է հետազոտական խմբի ղեկավարը։