Անցնող շաբաթվա այլ կարևոր իրադարձությունները ֆինանսական շուկաների համար Ամերիկյան հիմնական ինդեքսներն ուրբաթ օրը գրանցել են ամենամեծ մեկօրյա անկումը վերջին երկու շաբաթների ընթացքում՝ տոկոսադրույքների ավելի դանդաղ կրճատման հետ կապված մտահոգությունների ֆոնին։ ԱՄՆ-ում գործազրկության նպաստի առաջնային դիմումների թիվը նոյեմբերի 9-ին ավարտվող շաբաթվա ընթացքում նվազել է 4,000-ով և կազմել 217,000: ԱՄՆ-ում սպառողական գների ինդեքսը (CPI) հոկտեմբերին նախորդ ամսվա համեմատ աճել է 0.2%-ով՝ պայմանավորված բնակարանների վարձավճարների աճով։ Տարեկան կտրվածքով CPI-ն աճել է 2.6%-ով։ Դոնալդ Թրամփի վարչակազմի կողմից բարձր մաքսատուրքերի սահմանման հավանականության ֆոնին ԱՄՆ դոլարի Bloomberg Dollar Spot ինդեքսը հասել է 2022 թվականի նոյեմբերից ի վեր ամենաբարձր մակարդակին։ ՌԴ վիճակագրական կոմիտեի տվյալներով տարվա 3-րդ եռամսյակում Ռուսաստանի տնտեսական աճը տարեկան կտրվածքով նվազել է մինչև 3.1%՝ նախորդ եռամսյակի 4.1% աճից հետո։ finarm.am