Ներդրումային ոլորտը օգոստոսի 16-ին Համաշխարհային ինդեքսներ Ամերիկյան ինդեքսները հինգշաբթի օրը փակվել են դրական ցուցանիշներով: Dow Jones Industrial Average-ը աճել է 1.39%-ով՝ հասնելով 40,563.06 կետի: S&P 500-ի արժեքը ավելացել է 1.55%-ով՝ հասնելով 5,539.91 կետի: S&P 500-ի ֆյուչերսը հինգշաբթի աճել է 0.25%-ով: Ճապոնական Nikkei 225-ը աճել է 0.97%-ով՝ հասնելով 38,077 կետի, Կորեական KOSPI-ն աճել է 2.0%-ով՝ հասնելով 2,697.75 կետի, իսկ Չինական Shanghai Composite-ը նվազել է 0.04%-ով՝ հասնելով 2,876.40 կետի: Մակրոէկոնոմիկա 1․ Չինաստանի արդյունաբերական արտադրության ծավալը հուլիսին աճել է 5.1%-ով (սպասվածից վատ արդյունք): Մանրածախ վաճառքների ծավալը աճել է 2.7%-ով (սպասվածից ավելի լավ արդյունք): Անսպասելիորեն, Չինաստանում գործազրկությունը աճել է մինչև 5.2%, նախորդ ամսվա 5.0%-ից: 2․ ԱՄՆ-ում առաջին անգամ գործազրկության նպաստ ստանալու համար դիմածների թիվը մեկ շաբաթում նվազել է 7 հազարով՝ հասնելով 227 հազարի: Սպասվում էր 2 հազարով աճ: 3․ Հուլիսի արդյունքներով ԱՄՆ-ում մանրածախ վաճառքների ծավալը կտրուկ աճել է 1%-ով, սպասվում էր 0.4% աճ: Արդյունաբերական արտադրության ծավալը ԱՄՆ-ում հուլիսին նվազել է 0.6%-ով, իսկ շուկան սպասում էր 0.1% աճ: Ապրանքային շուկաներ Ոսկու գինը մի փոքր նվազել է, և մետաղը վաճառվում է մոտ 2,455.4 դոլար մեկ ունցիայի համար: Նավթի գնանշումները հինգշաբթի օրը աճել են: Brent նավթի գինը կազմում է 80.8 դոլար մեկ բարելի համար, իսկ WTI-ի գինը՝ մոտ 77.8 դոլար մեկ բարելի համար: Կորպորատիվ իրադարձություններ/ միջոցառումներ 1․ Ցանցային սարքավորումների արտադրող Cisco-ն իր IV ֆինանսական եռամսյակում (ավարտվել է հուլիսի 27-ին) նվազեցրել է զուտ շահույթը 45%-ով՝ հասնելով 2.2 միլիարդ դոլարի, իսկ հասույթը նվազել է 10%-ով՝ կազմելով 13.6 միլիարդ դոլար: Ապրանքների արտադրության ոլորտում հասույթը նվազել է 15%-ով, իսկ ծառայությունների ոլորտում աճել է 6%-ով: Cisco-ի զուտ շահույթը ամբողջ ֆինանսական տարվա արդյունքներով նվազել է 18%-ով և կազմել 10.3 միլիարդ դոլար: 2․ Ամերիկյան խոշորագույն մանրածախ ցանց Walmart Inc.-ը II եռամսյակում նվազեցրել է զուտ շահույթը 43%-ով՝ հասնելով 4.5 միլիարդ դոլարի: Հասույթը աճել է 4.8%-ով՝ հասնելով 169.3 միլիարդ դոլարի: Անցած եռամսյակում Walmart-ը ձեռք է բերել 33.4 միլիոն սեփական բաժնետոմս 2.1 միլիարդ դոլարի ընդհանուր գումարով​։ Cube Invest