Անցնող շաբաթվա այլ կարևոր իրադարձությունները ֆինանսական շուկաների համար

Մոսկվայի ֆոնդային բորսայում հունիսի 13-ից սկսած դադարեցվել է ԱՄՆ դոլարի և եվրոյի առևտուրը՝ պայմանավորված ԱՄՆ կողմից բորսայի նկատմամբ սահմանված պատժամիջոցներով։ ԱՄՆ Դաշնային պահուստային համակարգն անփոփոխ է թողել վերաֆինանսավորման տոկոսադրույքը՝ սահմանելով 5.25%-5.5%։ Ենթադրաբար այս տարի տոկոսադրույքների ընդամենը մեկ կրճատում կլինի` տարեվերջին ավելի մոտ։ ԱՄՆ-ում գործազրկության նպաստի առաջնային դիմումների թիվն աճել է 13,000-ով և կազմել 242,000՝ գրանցելով վերջին 10 ամիսների առավելագույն ցուցանիշը։ ՌԴ-ում մայիս ամսին տարեկան կտրվածքով գրանցվել է 8.3% գնաճ։ Ամսական կտրվածքով գնաճը կազմել է 0.74%: ԱՄՆ-ում սպառողական գների ինդեքսը մայիսին նախորդ ամսվա համեմատ անփոփոխ է մնացել, տարեկան կտրվածքով աճել է 3.3%-ով։ Այնուամենայնիվ, գնաճը շարունակում է բարձր մնալ Դաշնային պահուստային համակարգի կողմից մինչև սեպտեմբեր տոկոսադրույքների կրճատումներ անելու համար։ finarm.am