Անվանական կրթաթոշակներ լավագույններին

Հայաստանի Հաշվապահների Ասոցիացիայի և ՀՊՏՀ Ֆինանսատնտեսագիտական քոլեջի միջև առկա համագործակցության շրջանակներում կայացել է «Հայաստանի Հաշվապահների Ասոցիացիայի անվանական կրթաթոշակ»-ի հավաստագրերի հանձնման պաշտոնական արարողությունը։ Ողջույնի խոսքով հանդես եկավ Ասոցիացիայի նախագահ Վահագն Համբարձումյանը, ով շնորհավորեց ուսանողներին` ընդգծելով կրթության դերը և ևս մեկ անգամ հիշեցնելով Ասոցիացիայի կարգախոսը, որ «Ազգային հարստությունը ոչ թե բնական պաշարներն են, այլ` կրթoջախները»։ Ուսանողներին շնորհավորեց նաև ՀՊՏՀ Ֆինանսատնտեսագիտական քոլեջի տնօրեն Լուսինե Կարապետյանը։ Նա շնորհակալություն հայտնեց Ասոցիացիայի նախագահին` ուսանողներին նման հնարավորություն ընձեռելու համար։ Շնորհավորական խոսքով հանդես եկան քոլեջի դասախոսներ և ուսանողների ծնողներ։ Ասոցիացիայի նախագահ Վահագն Համբարձումյանը և քոլեջի տնօրեն Լուսինե Կարապետյանը մրցույթում հաղթած «Ֆինանսներ» մասնագիտությամբ 3-րդ կուրսի 8 ուսանողի հանդիսավոր կերպով հանձնեցին անվանական կրթաթոշակի հավաստագրերը։ https://youtu.be/uMarGFszucU Արարողությանը մասնակցում էին նաև Ասոցիացիայի խորհրդի անդամներ, ՀՊՏՀ Ֆինանսատնտեսագիտական քոլեջի ղեկավար անձնակազմը, դասախոսներ, նախորդ մրցույթներում հաղթած ուսանողներ, ուսանողների ծնողներ, լրագրողներ և այլ հյուրեր։ «Հայաստանի Հաշվապահների Ասոցիացիայի անվանական կրթաթոշակ»-ի տրամադրման մրցույթը կրում է շարունակական բնույթ` նպատակ ունենալով բարձրացնել ուսանողների առաջադիմությունն ու մշտապես կրթվելու ձգտումը։