Անցնող շաբաթվա այլ կարևոր իրադարձությունները ֆինանսական շուկաների համար

Եվրոպական կենտրոնական բանկն այս տարվա ընթացքում արդեն 4-րդ անգամ կրճատեց Եվրագոտու երկրների վերաֆինանսավորման տոկոսադրույքը 0.25 տոկոսային կետով՝ սահմանելով 3%:  ԱՄՆ հիփոթեքային վարկերի տոկոսադրույքները հասել են վերջին երկու ամիսների նվազագույն մակարդակին, ինչն առաջիկա ամիսներին տների վաճառքների աճ է ենթադրում։ 30 տարեկան հիփոթեքային վարկի միջին տոկոսադրույքը նվազել է մինչև 6.6%: Միացյալ թագավորության ՀՆԱ-ն հոկտեմբերին ամսական կտրվածքով նվազել է 0.1%-ով՝ 2020թ.-ի մարտ-ապրիլ ամիսներից ի վեր առաջին անգամ 2 ամիս անընդմեջ անկում գրանցելով նախորդ ամսվա նկատմամբ։ ԱՄՆ-ում գործազրկության նպաստի առաջնային դիմումների թիվը դեկտեմբերի 7-ին ավարտվող շաբաթվա ընթացքում անսպասելիորեն ավելացել է 17,000-ով և հասել 242,000-ի։ ԱՄՆ սպառողական գների ինդեքսը նոյեմբերին աճել է 0.3%-ով, ինչն ամենաբարձր ցուցանիշն է վերջին 7 ամիսների ընթացքում։ Չնայած գնաճի տեմպի արագացմանը՝ սպասվում է, որ Դաշնային պահուստային համակարգը հաջորդ շաբաթվա նիստին կնվազեցնի վերաֆինանսավորման տոկոսադրույքը՝ աշխատուժի շուկան աշխուժացնելու նպատակով։ finarm.am