Լիսաբոնի կենտրոնում ֆունիկուլյորի ռելսերից դուրս գալու հետևանքով զnհվել է 15 մարդ, առնվազն 20-ը՝ վիրшվորվել

Լիսաբոնի «Գլորիա» ֆունիկուլյորը (լեռնագնաց երկաթուղի, թեքավագոն – AT), որը հայտնի զբոսաշրջային տեսարժան վայր է, դուրս է եկել գծերից, հայտնում է CNN Portugal-ը։

Վերջին տեղեկությունների համաձայն՝ առնվազն 15 մարդ մահացել է, 18-ը՝ վիրավորվել։ Նշվում է, որ վիրավորներից երեքը հոսպիտալացվել են ծանր վիճակում։ Պորտուգալական SIC Noticias հեռուստաալիքի տվյալներով՝ վթարը տեղի է ունեցել տեղական ժամանակով ժամը 18:05-ին։

Ականատեսները հրատարակությանը պատմել են, որ ֆունիկուլյորը կորցրել է կառավարումը և «հսկայական ուժով» բախվել շենքին։ Սոցիալական ցանցերում տեղադրված տեսանյութերում երևում է, թե ինչպես են մարդիկ փախչում վթարից հետո։ Ֆունիկուլյորի երկու վագոններից մեկը մնացել է գծերի վրա։