ԵԱԶԲ–ն նշել է Հայաստանում գնանկման առանցքային գործոնները Գների դինամիկայի առանցքային գործոնները շարունակում են մնալ ներմուծվող պարենի ինքնարժեքի նվազումը միջազգային շուկաներում ցածր գների, դրամի փոխարժեքի ամրապնդման և դրամավարկային կոշտ պայմանների ազդեցության ֆոնին։ Այս մասին ասվում է Եվրասիական զարգացման բանկի վերլուծաբանների ամենշաբաթյա մակրովերլուծության մեջ։ «Հայաստանում սպառողական գները ապրիլին տարեկան կտրվածքով նվազել են 0.7%-ով՝ նախորդ ամիս 1.2%-ով նվազելուց հետո։ Գնանկումը կենտրոնացած է պարենային սեգմենտում, ապրիլին սննդամթերքի գները տարեկան կտրվածքով նվազել են 4,5%-ով՝ մեկ ամիս առաջ մինուս 5,6%-ից հետո»,- ասվում է վերլուծության մեջ։ Ազգային վիճակագրական կոմիտեի տվյալներով՝ այս տարվա ապրիլին Հայաստանի սպառողական շուկայում, նախորդ տարվա ապրիլի համեմատ, գնանկումը կազմել է 0,7%, իսկ մարտի համեմատ գրանցվել է 0,6% գնաճ։ 2024 թվականի պետական ​​բյուջեում գնաճն ամրագրվել է 4% (±1,5%)։ Կենտրոնական բանկի դրամավարկային քաղաքականության այս տարվա առաջին եռամսյակի հաշվետվության համաձայն՝ 2024 թվականի արդյունքում Հայաստանում գնաճը ակնկալվում է 1,3%–ի մակարդակում, 2025-ի կանխատեսումը՝ 4,6-4,1%, 2026-ի համար՝ 4,7- 4,1%: