ՄՊՀ-ն տուգանել է խաղային ոլորտում գործունեություն ծավալող 3 սուբյեկտի Մրցակցության պաշտպանության հանձնաժողովը անբարեխիղճ մրցակցության համար տուգանել է խաղային ոլորտում գործունեություն ծավալող 3 սուբյեկտների: Տուգանքի չափը կազմել է 433 մլն դրամ: Հանձնաժողովի անդամ Հայկ Կարապետյանը այս տուգանքը աննախադեպ է որակել ամբողջ գործունեության ընթացքում: Իսկ ընդհանուր առմամբ Հայկ Կարապետյանը նշել է, որ նախորդ տարի տուգանքների չափը կազմել է 64 մլն դրամ, այս տարի՝ ավելի քան 600 մլն դրամ: Հաջորդ տարում Մրցակցության պաշտպանության հանձնաժողովն իր գործունեությունը կիրականացնի՝ ստանալով 594 մլն 829 հազար դրամ: Գումարի 84,5 տոկոսն ուղղվելու է աշխատավարձին և դրան հավասարեցված վճարների հոդվածներին: