Evocabank-ն արժանացել է նոր մրցանակի BACEE-ի կողմից Evocabank-ն արժանացել է նոր մրցանակի BACEE-ի կողմից՝ միջազգային բանկային համագործակցության խթանման համար։ Բուդապեշտում կայացած BACEE-ի 49-րդ միջազգային բանկային համաժողովի շրջանակում Evocabank-ն արժանացել է կարևոր մրցանակի՝ BACEE-ի կողմից՝ “Award for the Development of International Banking Cooperation”։ Մրցանակը հանձնվել է՝ բարձր գնահատելով Evocabank-ի ներդրումը միջազգային բանկային համագործակցության գործում։ Այս ճանաչումը վկայում է ոչ միայն Evocabank-ի առաջատար դիրքի, այլև Հայաստանի բանկային համակարգի միջազգային համբավի մասին։ «Միջազգային համագործակցության ընդլայնումն Evocabank-ի ռազմավարության հիմքում է։ Այս մրցանակը մեր թիմի պրոֆեսիոնալ աշխատանքի արդյունքն է, ինչպես նաև ապացույց, որ մենք արդեն հաջողություններ ենք գրանցում միջազգային բիզնես հարթակներում»,– նշել է Evocabank-ի Վարչության նախագահ Կարեն Եղիազարյանը։ Evocabank-ը շարունակում է մեծ ներդրումներ կատարել ֆինանսաբանկային ոլորտում՝ ոչ միայն առաջարկելով ժամանակակից թվային լուծումներ, այլ նաև ամրապնդելով միջազգային կապերը։   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: