ԿարդաLove 2025․ ԱրարատԲանկը գրքի փառատոնի գլխավոր հովանավորն է ԿարդաLove գրքի փառատոնը, որն այս տարի առաջին անգամ անցկացվում է ԱրարատԲանկի գլխավոր հովանավորությամբ, փետրվարի 15-ից 16-ը հրավիրում է գրքասերներին Էլիտ Պլազա բիզնես կենտրոն (Խորենացի 15)՝ մեկ հարկի տակ նշելու տարվա ամենագրքային օրերը։ Երրորդ տարին անընդմեջ կազմակերպվող փառատոնի շրջանակում այցելուները հնարավորություն կունենան մասնակցելու բազմաթիվ գրական միջոցառումների, գրքերի շնորհանդեսների, վարպետության դասերի և հանդիպումների սիրված գրողների ու արտիստների հետ։ Ծրագրում ներառված են թատերականացված ներկայացում, պոեզիայի երեկո և այլ հետաքրքիր միջոցառումներ։ Փառատոնի շրջանակում գործող գրքերի մեծ ցուցահանդես-վաճառքի ընթացքում ԱրարատԲանկի քարտապանները կստանան հատուկ արտոնություններ։ Յուրաքանչյուր գնորդ կստանա շահավետ զեղչեր՝ սկսած 20%-ից, իսկ ԱրարատԲանկի քարտապանները կստանան լրացուցիչ 5% զեղչ։ Ավելին՝ երկրորդ գրքի համար գործում է 50% զեղչ, իսկ երրորդ, ամենացածր արժեքով գիրքը տրվում է որպես նվեր։ Գնումներ կատարած այցելուները կմասնակցեն խաղարկության՝ 50,000 դրամ արժողությամբ նվեր քարտ և փառատոնի գործընկերների նվերներ շահելու հնարավորությամբ։   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: