Ներդրումային ոլորտը սեպտեմբերի 13-ին

Համաշխարհային ինդեքսներ Ամերիկյան ցուցիչները հինգշաբթի օրը փակվել են աճով. Dow Jones Industrial Average-ը բարձրացել է 0.58%-ով՝ հասնելով 41,096.77 կետի: S&P 500-ի արժեքը աճել է 0.66%-ով՝ հասնելով 5,590.54 կետի: S&P 500-ի ֆյուչերսը ուրբաթ օրը ավելացել է 0.02%-ով: Ճապոնական Nikkei 225-ը նվազել է 0.96%-ով՝ հասնելով 36,570 կետի: Կորեական KOSPI-ն աճել է 0.13%-ով՝ հասնելով 2,575.39 կետի, իսկ չինական Shanghai Composite-ը կրճատվել է 0.30%-ով՝ հասնելով 2,709.31 կետի: Մակրոէկոնոմիկա 1. Ըստ Միջազգային էներգետիկ գործակալության (ՄԷԳ), նավթի համաշխարհային պահանջարկի աճը շարունակում է դանդաղել։ 2024 թվականի առաջին կեսին պահանջարկը ավելացել է ընդամենը 800 հազար բարելով օրական: Պատճառը Չինաստանի տնտեսության կտրուկ դանդաղումն է, որտեղ հուլիսին նավթի սպառումը նվազել է 280 հազար բարելով օրական: 2. Եվրոպական կենտրոնական բանկը կանխատեսումների համաձայն նվազեցրել է բազային տոկոսադրույքը 60 բազիսային կետով՝ հասցնելով 3.65%-ի: Դեպոզիտային միջոցների տոկոսադրույքը նվազել է 25 բազիսային կետով՝ դառնալով 3.50%, իսկ մարժինալ վարկավորման տոկոսադրույքը՝ 3.90% (-60 բազիսային կետ): 3. ԱՄՆ-ում գործազրկության նպաստի հայտերի քանակը մեկ շաբաթվա ընթացքում ավելացել է 2 հազարով՝ հասնելով 230 հազարի: Սպասվում էր նվազում 1 հազարով: Ապրանքային շուկաներ Ոսկու գինը աճել է և ներկայումս կազմում է $2,566.6 մեկ ունցիայի համար։ Նավթի գները հինգշաբթի օրը բարձրացել են։ Brent նավթը արժե $72.4 մեկ բարելի համար, իսկ WTI-ն՝ մոտ $69.5: Կորպորատիվ իրադարձություններ/ միջոցառումներ 1. General Mills ընկերությունը, որը սննդամթերքի խոշորագույն արտադրողներից մեկն է ԱՄՆ-ում, բանակցություններ է վարում Հյուսիսային Ամերիկայի իր յոգուրտների արտադրության բիզնեսը վաճառելու շուրջ՝ ավելի քան $2 միլիարդի դիմաց: General Mills-ը բանակցում է յոգուրտի գործարքների վաճառքը Groupe Lactalis-ի հետ: 2. U.S. Bancorp ամերիկյան բանկը հայտարարել է մինչև $5 միլիարդի բաժնետոմսերի հետգնման ծրագիր և բարձրացրել է եռամսյակային դիվիդենդները 2%-ով: Ծրագիրը կգործի սեպտեմբերի 13-ից, սակայն բանկը ծրագրում է սկսել հետգնումը 2025-ի սկզբից​: Cube Invest