ՀԷՑ-ը իրականացնում է բաշխիչ ցանցի վերազինմանն ու վերակառուցմանն ուղղված իր ներդրումային ծրագրերը 2016-ից 2024 թթ. «Հայաստանի էլեկտրական ցանցեր» ընկերությունը արդիականացրել և շարունակում է վերազինել էլեկտրաէներգետիկ ենթակառուցվածքները՝ ներդնելով ավելի քան 270 մլրդ դրամ: 2024թ.-ի ընթացքում ներդրումները կազմել են ավելի քան 40 մլրդ դրամ, 2025թ.-ին կկազմեն ավելի քան 47 մլրդ դրամ: Ծրագրի հիմնական ուղղություններն են՝ - հոսանքազրկումների միջին տևողության և հաճախականության ցուցանիշների պահպանմանը և մաշված սարքավորումների փոխարինմանն ուղղված ներդրումներ, - թույլատրելի սահմաններից էլեկտրաէներգիայի լարման շեղման միջին տևողության և հաճախության կրճատմանն ուղղված ներդրումներ, - նոր սպառողների միացմանը և բաշխիչ ցանցի զարգացման նպատակային ծրագրերի իրականացմանն ուղղված ներդրումներ, - էլեկտրաէներգիայի ավտոմատավցած հաշվառման ու վերահսկման համակարգի ներդրումներ և այլ ուղղություններ Հանրային ծառայությունները կարգավորող հանձնաժողովը հաստատել է նաև ՀԷՑ-ի՝ առաջիկա տասը տարիների՝ 2024-2034 թվականների ներդրումային ծրագիրը, որի արժեքը 305, 424 մլն դրամ է: https://youtu.be/NazJ3HeoOZY Այս գումարն ուղղվելու է ցանցերի վերազինմանն ու արդիականացմանը, ցանցին նոր սպառողների միացմանը, առևտրային հաշվառման համակարգի և սմարթ հաշվիչների ներդրմանը: