Թրամփը շարունակում է մաքսատուրքերի պատերազմը. ԵՄ և Մեքսիկա ԱՄՆ նախագահ Դոնալդ Թրամփը հայտարարել է, որ պատրաստվում է օգոստոսի 1-ից ԵՄ-ից և Մեքսիկայից ներկրվող ապրանքների վրա սահմանել մինչև 30% մաքսատուրք։ Թրամփի խոսքերով, այս քայլը բխում է այն հանգամանքից, որ բանակցությունները ԱՄՆ-ի հիմնական առևտրային գործընկերների հետ չեն բերել համապարփակ համաձայնության։ Եվրոպական Միությունն ու Մեքսիկան արձագանքել են Թրամփի այս հայտարարությանը՝ մեղադրելով ԱՄՆ-ին անարդար և տնտեսությանը վնասող քաղաքականություն վարելու մեջ, սակայն ընդգծել են, որ պատրաստ են շարունակել բանակցությունները։ Բրյուսելում անգամ հնչում են պատասխան քայլերի առաջարկներ՝ հակակշռելու ամերիկյան սահմանափակումները։ Աղբյուրը՝ Reuters Թրամփի` մաքսատուրքերի սպառնալիքը ԵՄ-ին դրել է ծանր իրավիճակում ԱՄՆ նախագահ Դոնալդ Թրամփը սպառնում է ԵՄ-ից ներկրվող ապրանքների վրա սահմանել 30% մաքսատուրք։ Այս քայլը ԵՄ-ին լուրջ խնդիրների առաջ է կանգնեցնում։ Եվրոպացիները նախկինում կոշտ էին բանակցում։ Բայց Ռուսաստանից եկող վտանգը ստիպել է փոխել դիրքորոշումը։ ԵՄ-ն հասկացել է, որ առանց ԱՄՆ-ի պաշտպանություն կառուցելն արագ չի ստացվի։ ԵՄ-ն փորձել է Թրամփին առաջարկել ավելի մեղմ առևտրային պայմաններ։ Բայց նրա այս նոր սպառնալիքը կարող է նոր առևտրային պատերազմի սկիզբ դառնա։ Երկուշաբթի Բրյուսելում ԵՄ նախարարները կքննարկեն հակամաքսատուրքեր կիրառելու հարցը։ Ֆրանսիան և այլ երկրներ կոչ են անում կոշտացնել դիրքորոշումը։ Աղբյուրը՝ The Guardian