Արգելափակումից դուրս է բերվել 128 մեքենա, օգնություն է ցուցաբերվել 254 քաղաքացու

ՓԾ ստորաբաժանումները օպերատիվ արձագանքել են իրավիճակին:

ՆԳՆ Փրկարար ծառայության հաղորդմամբ՝ հունվարի 16-ի ժամը 08։00-ից մինչև հունվարի 19-ի ժամը 08։00-ը Ճգնաժամային կառավարման ազգային և մարզային կենտրոններ ահազանգեր են ստացվել ձյան առատ տեղումների հետևանքով առաջացած տրանսպորտային միջոցների արգելափակումների վերաբերյալ։

ՓԾ ստորաբաժանումները օպերատիվ արձագանքել են իրավիճակին և Ոստիկանության պարեկային ծառայության, տեղական ինքնակառավարման մարմինների ներկայացուցիչների, ինչպես նաև «Ճանշին» ընկերության աշխատակիցների հետ համատեղ իրականացրել փրկարարական գործողություններ։

Արդյունքում արգելափակումից դուրս է բերվել 128 տրանսպորտային միջոց, իսկ 254 քաղաքացու ցուցաբերվել է համապատասխան օգնություն։