Անբարեխիղճ մրցակցություն․ ՄՊՀ-ն Globbing-ի, ONEX-ի և Հայփոստ-ի Ber-Ber ծառայության նկատմամբ նշանակել է մոտ 83 մլն դրամ տուգանք Մրցակցության պաշտպանության հանձնաժողովը հասարակության մոլորեցման դրսևորումներով անբարեխիղճ մրցակցության համար պատասխանատվության միջոցներ է կիրառել արտասահմանից Հայաստան առաքման ծառայություններ մատուցող Գլոբբինգի, Օնէքս-ի, Հայփոստ-ի Ber-Ber ծառայություն նկատմամբ: Քննությունն արձանագրել է, որ հիշյալ տնտեսվարողներն առաքումների ժամկետների առնչությամբ կատարված հրապարակումներում տեղեկությունը ներկայացրել են այն ձևով, որն ապակողմնորոշել ու առաքմաննիրական ժամկետի վերաբերյալ սպառողին ամբողջական պատկերացում կազմելու հնարավորություն չեն տվել, նաև իրականացրել են օրենքին հակասող գովազդներ: Այսպիսով Գլոբբինգը տուգանվել է մոտ 61 մլն դրամով,Օնէքսը մոտ 18 մլն դրամ, իսկ Բեր բեր ծառայությունը մոտ 2 մլն դրամ: