Հերթական արտահերթ ընտրություններ Իսրայելում Իսրայելի իշխող կոալիցիան մտադիր է արձակել խորհրդարանը և նշանակել արտահերթ ընտրություններ, 5-րդ՝ երեք տարվա ընթացքում: Նշենք, որ վերջին 50 տարվա ընթացքում Իսրայելում անցկացել է միայն մեկ հերթական ընտրություն. Երկրի ընտրական համակարգի առանձնահատկությունների պատճառով որպես կանոն կառավարութունը կազմվում է կոալիցիոն տարբերակով, և հաճախ ինչ-ինչ հարցերում նույնիսկ բավականին փոքր կուսակցությունների անհամաձայնությունը հանգեցնում է քաղաքական ճգնաժամի և նոր ընտրությունների նշանակման: Նշենք, որ 8 ուժերից բաղկացած գործող կոալիցիան ի սկզբանե բավականին փխրուն էր: Ներգրավված ուժերին հիմնական միավորող կարելի է ասել Իսրայելի երկարամյա վարչապետ Բենյամին Նեթայահուի դեմ պայքարն է: Նշենք, որ արտահերթ ընտրությունների նշանակման պարագայում վարչապետի աթոռը կրկին զբաղեցնելու մեծ շանսեր ունի Բենյամին Նեթանյահուն: Իշխող կոալիցիային այդպես էլ չհաջողվեց ընդունել օրենք, որը կարգելեր քրեական գործով մեղադրվողին զբաղեցնել վարչապետի աթոռը: Նեթանյահուն մեղադրվում է կոռումցիայի մեջ: