Իրանական ներդրմամբ՝ Քարակերտում հիմնել են պողպատի արտադրության գործարան Քարակերտի քարաձուլման գործարանը, որն ավելի հայտնի է Ապակիների գործարան անունով, մոտ 35 տարի է՝ չի աշխատում: Իրանցիներն այն գնել են, վերազինել ու դարձրել պողպատի արտադրության գործարան: Միայն արդիականացման համար ներդրել են 5 մլն դոլար : 2 միլիոնն արդեն ծախսել են: Ընկերության հիմնադիրները նման մի գործարան էլ Իրանում ունեն. աշխատում է տարեկան 320 հազար տոննա հզորությամբ: Պողպատագործները չեն բացառում, որ Իրանի գործարանից ձուլակտորների ավելցուկը կներմուծեն Հայաստան և կվերածեն մետաղական շինանյութի: Տարեկան կարտադրեն 200 հազար տոննա ամրան: Ընկերությունում այս պահին աշխատում է 110 մարդ, որից 90-ը Լեռնագոգից ու հարակից գյուղերից են: 2-րդ փուլը սկսելուն պես աշխատողների թիվը կհասցնեն 450-ի՝ 190 հազար դրամ միջին աշխատավարձով: Պողպատի գործարանը դեռ արդիականացվում է: Պատրաստ կլինի մոտ 20 օր անց: Մետաղի առաջին ձուլակտորները կարտադրեն վառարանները թեժացնելուն պես: