Իտալիան ցանկանում է գազատար կառուցել Իսպանիայից՝ Ռուսաստանից կախվածությունը նվազեցնելու համար Իտալիան դիտարկում է Իսպանիայից նոր գազատար կառուցելու հնարավորությունը։ Նման նախագիծն արդեն քննարկվում է ամենաբարձր մակարդակով՝ երկու երկրների վարչապետեր Մարիո Դրագիի և Պեդրո Սանչեսի միջև,- գրում է Reuters-ը։ «Կա Իտալիա-Իսպանիա գազատարի գաղափարը, որը մենք Սանչեսի հետ քննարկել ենք Հռոմում, ինչպես նաև Եվրոպական խորհրդում», - ասել է Իտալիայի կառավարության ղեկավարը։ Իսպանիան ունի վերագազաֆիկացման ամենամեծ հզորությունը Եվրոպայում, սակայն դրա փոխանցումը Ֆրանսիա էլ ավելի սահմանափակ է ՝ գոյություն ունեցող գազատարների անբավարար քանակի պատճառով: Բնական գազի հաղորդման իսպանական Enagas ընկերությունը հինգշաբթի ասաց, որ հնարավորություններ է ուսումնասիրում հարևան երկրների կառավարությունների և գազի փոխադրման օպերատորների հետ՝ ընդլայնելու իր գազի և, ի վերջո, ջրածնի հաղորդման ցանցը: Եվրոպան, որն իր գազի մոտ 40%-ը ստանում է Ռուսաստանից, սկսեց մատակարարման այլընտրանքային աղբյուրներ փնտրել այն բանից հետո, երբ ռուսական զորքերը լայնամասշտաբ պատերազմ սկսեցին Ուկրաինայի դեմ։ Դրագիի խոսքով՝ Իտալիան կկարողանա անմիջապես փոխարինել ռուսական գազի 30-40%-ը, սակայն մնացածի հետ կապված խնդիրներ կան։ Իտալիան ունի գազատարներ, որոնք ձգվում են դեպի Ալժիր, Լիբիա և Ադրբեջան։ Երկիրը նաև ձգտում է ավելացնել LNG-ի ներմուծումը Ռուսաստանից իր կախվածությունը նվազեցնելու համար: «Կա մեկ այլ տարբերակ՝ «EastMed» գազատարը (Իսրայելի և Եգիպտոսի մերձակայքում գտնվող միջերկրածովյան գազի հանքավայրերից մինչև Կիպրոս և Հունաստան): Եվրահանձնաժողովն ուսումնասիրում է գազատարի կառուցման հնարավորությունը», - ասել է Դրագին: