Կանադայում մթերային սուպերմարկետների ցանցերը սկսել են դարակներից հանել ռուսական արտադրության ապրանքները, -գրում է Globe and Mail թերթը։ Ըստ թերթի՝ խոսքը այնպիսի ապրանքների մասին է, ինչպիսիք են ՝  կվասը, արևածաղկի սերմերը և զեֆիրը։ Սննդամթերքի մանրածախ առևտրով զբաղվողների այս որոշումները հետևում են ռուսական օղու վաճառքը դադարեցնելու շատ շրջանների նախկին քայլերին: Օրինակ, կանադական Empire Company Ltd. ընկերությունը, որին պատկանում են Sobeys, Safeway և FreshCo մթերային ցանցերը, մարտի սկզբին սկսեց հանել ռուսական ապրանքները դարակներից: Այդպես է վարվել Metro Inc. ընկերությունը, մինչդեռ, ինչպես նշում է թերթը, դա մեծ ազդեցություն չի ունեցել Ռուսաստանի տնտեսության վրա։Մանրածախ առևտրով զբաղվող Loblaw Companies Ltd. (Atlantic Superstore, Dominion Stores, Extra Foods և այլն)  հեռացնում է նաև ապրանքները Ռուսաստանից և վերահսկում, որ դրանք նորից չպատվիրվեն: