Պետական պարտք/ՀՆԱ հարաբերակցությունը կազմել է 48,4, բյուջեի դեֆիցիտը՝ 4,6 տոկոս Կառավարության պետական պարտք/ՀՆԱ հարաբերակցությունը 2023թ. կազմել է 48,7, բյուջեի դեֆիցիտը՝ 4,6 տոկոս։ Այս մասին հունվարի 31-ի մամուլի ասուլիսում ասել է ֆինանսների նախարար Վահե Հովհաննիսյանը։ Նա նշել է, որ պետական պարտք/ՀՆԱ հարաբերակցությունը մի փոքր բարձր է, քան 2022թ.։ Իսկ ինչ վերաբերում է բյուջեի դեֆիցիտին, ապա այն, նրա խոսքով, կֆինանսավորվի թե՛ կարճաժամկետ պետական պարտատոմսերով, թե՛ վարկերով։ «Աշխատանք է կատարվում Զարգացման ասիական բանկի, Համաշխարհային բանկի, Կայունացման եւ զարգացման եվրասիական բանկի հետ՝ վարկեր ներգրավելու համար։ Դրանց չափը որոշված է բյուջեով, բայց տարվա ընթացքում կարող է փոխվել»,- նշել է պաշտոնյան։ Նախարարը հավաստիացրել է, որ երկրի տնտեսության պոտենցիալն ավելանում է։ Նա տեղեկացրել է, որ 2024թ. հատկացվել է 100 մլրդ դրամ դպրոցների շինարարության ծրագրերին։ «Այս հարցում մենք բախվում ենք մասնավոր հատվածի հնարավորություններին։ Տենդերների կեսից ավելիի դեպքում հաղթողները դեռ որոշված չեն։ Դա կապված է այն բանի հետ, որ կամ ընկերություններն են չափից բարձր գին ուզում, կամ նրանք չունեն նման աշխատանքներ կատարելու հնարավորություններ»,- նշել է Վահե Հովհաննիսյանը։