Ճապոնիայի ամենահեղինակավոր գրական մրցանակի դափնեկիրը խոստովանել է, որ գիրքը գրել է ChatGPT-ի միջոցով

Ճապոնիայի ամենահեղինակավոր գրական մրցանակի՝ Ակուտագավայի մրցանակի դափնեկիր, 33-ամյա գրող Ռի Կուդանը խոստովանել է, որ իր գրքի մի մասը գրել է արհեստական բանականությունը: Այս մասին հայտնում է ՌԻԱ Նովոստի-ն։ Հեղինակը նշել է, որ իր հաղթող վեպի 5 տոկոսը՝ «Տոկիոյի կարեկցանքի աշտարակը», գրվել է ChatGPT-ի միջոցով և չի փոփոխվել Կուդանի կողմից: «Այս վեպը գրվել է արհեստական բանականության՝ տեքստի ստեղծման տեխնոլոգիաների միջոցով, ինչպիսին է ChatGPT-ն: Տեքստում եղած նախադասությունների մոտ, հավանաբար, 5 տոկոսը ստեղծվել է արհեստական բանականությամբ և օգտագործվել առանց փոփոխության: Հետագայում կցանկանայի շարունակել օգտագործել տեխնոլոգիաները, որպեսզի զարգացնեմ իմ ստեղծագործական ունակությունները»,- ընդգծել է գրողը։ Նրա աշխատանքի սյուժեն հիմնված է կին ճարտարապետի մասին պատմության վրա։ Գործողությունները տեղի են ունենում Տոկիոյում։