Pfizer-ի բաժնետոմսերը նվազում են Ամերիկյան հայտնի դեղագործական ընկերությունը՝ Pfizer-ը, 2024 թվականին կանխատեսել է վաճառքների անկում, ինչը պայմանավորված է ԱՄՆ-ում համավարակի նկատմամբ բնակչության մտահոգության և COVID պատվաստումների քանակի կտրուկ նվազմամբ: Pfizer-ի` COVID-19 պատվաստանյութից և բուժումից ստացված առավելագույն եկամուտը եղել է 2022 թվականին՝ 57 միլիարդ դոլար, մինչդեռ 2024 թվականի համար կանխատեսումը ընդամենը 8 միլիարդ ԱՄՆ դոլար է: Որպես հետևանք՝ դեղարտադրողի բաժնետոմսի գինը տարվա սկզբից իջել է 44%-ով՝ հասնելով 10 տարվա նվազագույնի: Pfizer-ի մեկ բաժնետոմսի արժեքը դեկտեմբերի 15-ի դրությամբ կազմում է 26 ԱՄՆ դոլար: