Ericsson-ը հայտարարել է Ռուսաստանում բիզնեսի դադարեցման մասին

Հեռահաղորդակցության սարքավորումներ արտադրող շվեդական Ericsson ընկերությունը անորոշ ժամկետով դադարեցնում է իր գործունեությունը Ռուսաստանում,- ասվում է ընկերության կայքում տեղադրված հաղորդագրության մեջ: «Վերջին իրադարձությունների և Եվրամիության պատժամիջոցների հանգամանքներում ընկերությունն անորոշ ժամանակով կդադարեցնի իր գործունեությունը Ռուսաստանում գտնվող հաճախորդների հետ»,- ասվում է հայտարարության մեջ։ Մամուլի ծառայությունը նշել է, որ ակտիվների մաշվածության և այլ «բացառիկ ծախսերի» դեպքում Ericsson-ը 0,9 մլրդ շվեդական կրոնով (մոտ 95 մլն դոլար) կբացի պահուստային հաշիվ, իսկ Ռուսաստանում Ericsson-ի գրասենյակի աշխատակիցները կուղարկվեն վճարովի արձակուրդի։