Samsung-ը ներկայացրել է ChatGPT-ի այլընտրանքը Սեուլում կայացած Samsung AI Forum 2023-ի ժամանակ Samsung ընկերությունը ցուցադրել է իր արհեստական բանականությամբ աշխատող Gauss մոդելը: Վերջինս անվանակոչել են մաթեմատիկոս Կառլ Ֆրիդրիխ Գաուսի պատվին. նա է մեքենայական ուսուցման մեջ կիրառվող «Նորմալ բաշխման» օրենքի հեղինակը,- գրում է how2b.am-ը: Gauss-ը միավորում է երեք բլոկ.
  1. Samsung Gauss Language՝ տեքստերի հետ աշխատանքի համար: Գրում է էլեկտրոնային նամակներ, խմբագրում է փաստաթղթեր, կազմում է հաշվետվություններ կամ էլ տեքստեր թարգմանում:
  2. Samsung Gauss Code՝ կոդի գեներացման և նկարագրման համար: Թույլ է տալիս հեշտ ու արագ ծրագրեր մշակել ինտերակտիվ ինտերֆեյսի օգնությամբ:
  3. Samsung Gauss Image՝ պատկերների խմբագրման և ստեղծման համար: ԱՆհրաժեշտության դեպքում կարող է փոփոխել պատկերի ոճը, բարելավել որակը և օբյեկտներ ավելացնել: Կարող է նաև զրոյից պատկեր գեներացնել՝ տեքստային հարցման համաձայն: Այժմ մոդելը թեստավորում են ընկերության աշխատակիցները: Ապագայում մոդելը հասանելի կդառնա Samsung-ի նոր պրոդուկտներում, օրինակ՝ Galaxy S24-ում, որի մասին հայտարարելու են 2024-ի հունվարին: